சென்னை: இயக்குநர் மடோன் அஸ்வின் இயக்கும் புதிய படத்தில் விக்ரம் நடிக்க உள்ளார். இது தொடர்பாக அதிகாரபூர்வ அறிவிப்பு வெளியாகியுள்ளது.
யோகிபாபு நடிப்பில் வெளியான ‘மண்டேலா’, சிவகார்த்திகேயன் நடிப்பில் கடந்த ஆண்டு வெளியான ’மாவீரன்’ படங்களை இயக்கியவர் மடோன் அஸ்வின். இவர் அடுத்து இயக்கும் புதிய படத்தில் விக்ரம் நடிக்கிறார். இந்தப் படத்தை சாந்தி டாக்கீஸ் நிறுவனம் தயாரிக்கின்றது. ‘விக்ரம் 63’ என அழைக்கப்படும் இப்படத்தின் படப்பிடிப்பு அடுத்த ஆண்டு தொடங்க உள்ளது. விக்ரமை பொறுத்தவரை அவர் ‘வீர தீர சூரன்’ படத்தில் நடித்துள்ளார்.
இந்தப் படம் பொங்கல் பண்டிகையையொட்டி திரையரங்குகளில் வெளியாக உள்ளது. முன்னதாக ‘மாவீரன்’ படத்தையும் சாந்தி டாக்கீஸ் நிறுவனமே தயாரித்தது குறிப்பிடத்தக்கது. இந்தப் படத்தை தவிர்த்து பல்வேறு இயக்குநர்களிடம் கதைகள் கேட்டுள்ளார் விக்ரம். அதற்குப் பிறகு யாருடைய இயக்கத்தில் நடிக்கவுள்ளார் என்பது விரைவில் தெரியவரும்.
