சென்னை: தங்கம் விலை இந்த வாரத்தில் இரண்டாவது நாளாக இன்றும் (நவ.26) குறைந்துள்ளது. சென்னையில் இன்று 22 கேரட் ஆபரணத் தங்கத்தின் விலை பவுனுக்கு ரூ.960 சரிந்துள்ளது.
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது. கடந்த ஒரு வாரமாக தங்கம் விலை கடுமையான உயர்வைக் கண்டது. கடந்த சனிக்கிழமை சென்னையில் 22 கேரட் ஆபரணத்தங்கத்தின் விலை கிராமுக்கு ரூ.75 உயர்ந்து ஒரு கிராம் ரூ.7,300-க்கும், பவுனுக்கு ரூ.600 உயர்ந்து ஒரு பவுன் ரூ.58,400-க்கும் விற்பனையானது. கடந்த ஒரே வாரத்தில் மட்டும் தங்கம் விலை பவுனுக்கு ரூ.2,920 அதிகரித்து அதிர்ச்சியைக் கடத்தியிருந்தது.
இந்நிலையில் இந்த வாரத்தின் முதல் நாளான நேற்று தங்கம் விலை பவுனுக்கு ரூ.800 குறைந்தது. தொடர்ந்து இரண்டாவது நாளாக இன்றும் தங்கம் விலை குறைந்துள்ளது. இரண்டு நாட்களில் தங்கம் விலை பவுனுக்கு ரூ.1760 குறைந்துள்ளது.
இன்று (செவ்வாய்க்கிழமை) காலை நிலவரப்படி சென்னையில் 22 கேரட் ஆபரணத் தங்கம் கிராமுக்கு ரூ.120 குறைந்து ஒரு கிராம் ரூ.7,080-க்கும், பவுனுக்கு ரூ.960 சரிந்து ஒரு பவுன் ரூ.56,640-க்கும் விற்பனையாகிறது. வெள்ளியின் விலை கிராமுக்கு ரூ.3 குறைந்து ஒரு கிராம் ரூ.98-க்கு விற்பனையாகிறது.
