சென்னை: சென்னையில் தங்கம் விலை பவுனுக்கு ரூ. 80 குறைந்து ஒரு கிராம் ஆபரணத் தங்கம் ரூ. 6,935க்கும், ஒரு பவுன் ரூ. 55,480-க்கும் விற்பனையாகிறது. சென்னையில் கடந்த 9 நாட்களில் தங்கம் விலை பவுனுக்கு ரூ.2,800 குறைந்திருப்பது நகைவாங்குவோர் மத்தியில் மகிழ்ச்சியை ஏற்படுத்தியுள்ளது.
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது. தீபாவளி நாளில் (அக்.31) ஒரு பவுன் ரூ. 59,640 என்ற வரலாறு காணாத உச்சத்தை அடைந்தது. இந்நிலையில், கடந்த 14ம் தேதி பவுனுக்கு ரூ.880 குறைந்து, ஒரு பவுன் ரூ.55,480-க்கு விற்கப்பட்டது. கிராமுக்கு ரூ.110 குறைந்து ஒரு கிராம் தங்கம் ரூ.6,935-க்கு விற்பனையானது.
கடந்த 9 நாட்களில் தங்கம் விலை பவுனுக்கு ரூ.2,800 அளவுக்கு குறைந்துள்ளது. தங்கம் விலை தொடர்ச்சியாக குறைந்து வருவது நகை வாங்குவோர் மத்தியில் மகிழ்ச்சியை ஏற்படுத்தியுள்ளது. வெள்ளி விலையில் இன்று மாற்றம் இல்லை. ஒரு கிராம் வெள்ளி ரூ.99-க்கும், ஒரு கிலோ பார் வெள்ளி ரூ.99 ஆயிரத்துக்கும் விற்கப்படுகிறது.
