Thursday, June 13, 2024
No menu items!
Google search engine
Homeவிளையாட்டுLSG vs KKR | லக்னோ சூப்பர் ஜெயண்ட்ஸை 98 ரன்களில் வீழ்த்தியது கொல்கத்தா நைட்...

LSG vs KKR | லக்னோ சூப்பர் ஜெயண்ட்ஸை 98 ரன்களில் வீழ்த்தியது கொல்கத்தா நைட் ரைடர்ஸ்! | kolkata knight riders beats Lucknow Super Giants by 98 runs


லக்னோ: நடப்பு ஐபிஎல் சீசனின் 54-வது லீக் போட்டியில் லக்னோ சூப்பர் ஜெயண்ட்ஸ் மற்றும் கொல்கத்தா நைட் ரைடர்ஸ் அணிகள் விளையாடின. இதில் கொல்கத்தா நைட் ரைடர்ஸ் அணி 98 ரன்களில் வெற்றி பெற்றது.

லக்னோவில் நடைபெற்ற இந்தப் போட்டியில் முதலில் பேட் செய்த கொல்கத்தா நைட் ரைடர்ஸ் அணி 235 ரன்கள் குவித்தது. சால்ட் மற்றும் சுனில் நரைன் இணைந்து முதல் விக்கெட்டுக்கு 61 ரன்கள் பார்ட்னர்ஷிப் அமைத்தனர். சால்ட் 32 ரன்களில் ஆட்டமிழந்தார்.

மறுபக்கம் நரைன் அதிரடியாக ஆடி ரன் குவித்தார். அவருக்கு உறுதுணையாக ஆடினார் ரகுவன்ஷி. 39 பந்துகளில் 81 ரன்கள் எடுத்து நரைன் ஆட்டமிழந்தார். தொடர்ந்து களத்துக்கு வந்த ரஸல் 12 ரன்களில் வெளியேறினார். ரகுவன்ஷி 32 ரன்களில் ஆட்டமிழந்தார். ரிங்கு சிங் 16 ரன்களிலும், ஸ்ரேயஸ் ஐயர் 23 ரன்களிலும் வெளியேறினர்.

236 ரன்கள் எடுத்தால் வெற்றி என்ற இலக்கை லக்னோ சூப்பர் ஜெயண்ட்ஸ் விரட்டியது. கேப்டன் கே.எல்.ராகுல் மற்றும் அர்ஷின் குல்கர்னி இணைந்து இன்னிங்ஸை ஓப்பன் செய்தனர். அர்ஷின் 9 ரன்களில் வெளியேறினார். பின்னர் வந்த ஸ்டாய்னிஸ் உடன் இணைந்து 50 ரன்கள் பார்ட்னர்ஷிப் அமைத்தார் ராகுல். அவர் 25 ரன்களில் ஆட்டமிழந்தார். ஹூடா 5 ரன்களில் வெளியேறினார். 36 ரன்கள் எடுத்த நிலையில் ஸ்டாய்னிஸ் ஆட்டமிழந்தார்.

அதன் பின்னர் சீரான இடைவெளியில் விக்கெட்டை இழந்தது லக்னோ. பூரன், பதோனி, டர்னர், க்ருணல் பாண்டியா, யுத்வீர் சிங் மற்றும் ரவி பிஷ்னோய் ஆகியோர் ஆட்டமிழந்தனர். 16.1 ஓவர்களில் 137 ரன்களுக்கு ஆல் அவுட் ஆனது லக்னோ. அதன் மூலம் 98 ரன்களில் வெற்றி பெற்றது கொல்கத்தா.

கொல்கத்தா அணி சார்பில் ஹர்ஷித் ராணா மற்றும் வருண் சக்கரவர்த்தி தலா 3 விக்கெட்டுகளை கைப்பற்றினர். ரஸல் 2, ஸ்டார்க் மற்றும் நரைன் தலா 1 விக்கெட் வீழத்தினர்.

இந்த வெற்றியின் மூலம் ரன் ரேட் அடிப்படையில் புள்ளிகள் பட்டியலில் முதல் இடத்துக்கு முன்னேறியுள்ளது கொல்கத்தா. இரண்டாம் இடத்துக்கு வந்துள்ளது ராஜஸ்தான் ராயல்ஸ். இரு அணிகளும் 16 புள்ளிகள் பெற்றுள்ளன. மூன்றாம் இடத்தில் சென்னை சூப்பர் கிங்ஸ் மற்றும் நான்காம் இடத்தில் சன்ரைசர்ஸ் ஹைதராபாத் அணிகள் உள்ளன. லக்னோ அணி, ஐந்தாம் இடத்தில் உள்ளது.



RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments